«Manchester Siti» hujumchisi Erling Xoland faoliyatini «Barselona»da davom ettirish imkoniyatini ko‘rib chiqmoqda. Bu haqda El Nacional nashri xabar bermoqda.
Manba ma’lumotlariga ko‘ra, 26 yoshli norvegiyalik futbolchi kataloniyaliklar safida Lamin Yamal bilan birga o‘ynashni istamoqda. Ta’kidlanishicha, hujumchi «Manchester Siti»dagi faoliyati yakuniga yetib borayotganini his qilmoqda va mavsum tugagach, jamoani tark etishi mumkin.
Xolandning qaroriga ta’sir qilishi mumkin bo‘lgan yana bir omil sifatida «Manchester Siti»ga nisbatan moliyaviy qoidalarning ehtimoliy buzilishi bo‘yicha olib borilayotgan tergov doirasida sanksiyalar qo‘llanilishi mumkinligi aytilmoqda.
Nashr ma’lumotlariga ko‘ra, norvegiyalik futbolchining vakillari «Barselona» prezidenti Joan Laporta bilan ehtimoliy transferni muhokama qilishga tayyor. Biroq hozircha muzokaralar aniq kelishuvga olib kelmagan.
Ronalduning sevgilisi Messining oilasiga uchta so‘z bilan murojaat qildi
«Oltin to‘p»-2026 uchun asosiy da’vogar nomi ma’lum bo‘ldi
«Barselona» futbolchisini 500 million yevroga sotmoqchi
