Xitoylik smartfon ishlab chiqaruvchi Honor kompaniyasi tomonidan ishlab chiqilgan gumanoid robot 100 metrni 9,32 soniyada yugurib, yamaykalik sprinter Useyn Bolt o‘rnatgan jahon rekordini yangiladi.
Bu haqda Xitoy davlat televideniyesi xabar berdi.
Ma’lumotlarga ko‘ra, "Chaqmoq" laqabli robot shanba kuni Pekinda ochilgan ikkinchi Jahon gumanoid robot o‘yinlariga tayyorgarlik sinovlari paytida bu yutuqqa erishdi.
Robotning eng yuqori tezligi sekundiga 14,5 metrga yetdi. Taqqoslash uchun, Useyn Bolt 100 metrni 9,58 soniyada yugurdi — bu 2009 yil 16 avgustda Berlinda bo‘lib o‘tgan jahon chempionatida o‘rnatilgan hozirgi jahon rekordidir.
Aprel oyida "Molniya" Pekinda bo‘lib o‘tgan 21 kilometrlik yarim marafonda ham g‘olib chiqdi va 50 daqiqa 26 soniya natija ko‘rsatdi, bu esa elita sportchilari uchun jahon rekordini ham yangiladi.
Yarim marafon davomida robotning bo‘yi 169 santimetr, oyoqlari esa 95 santimetrga teng edi. Keyinchalik tadqiqotchilar uning oyoq uzunligini 10 santimetrga oshirib, 1,05 metrga yetkazishdi.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
Braziliyalik afsonaviy futbolchi Roberto Karlos musulmon bo‘lgani haqidagi mish-mishlarga munosabat bildirdi
"100 million dollar evaziga hatto o‘z otamning ham yuziga uraman"
