Argentina futbol assosiasiyasi va futbolchilari JCh finalida Ispaniya milliy jamoasi o‘yinchilariga nisbatan qo‘pol harakatlari uchun jarimaga tortildi — FIFA matbuot xizmati.
Argentina terma jamoasi yarim himoyachisi Leandro Paredes 10 ta o‘yinga diskvalifikasiya qilindi va 90 ming dollar miqdorida jarimaga tortildi. Himoyachi Nauyel Molina 7 ta o‘yinga diskvalifikasiya qilinib, 90 ming dollar jarima to‘lashi belgilandi. Yarim himoyachi Tyago Almada esa 1 ta o‘yinga diskvalifikasiya qilindi va 30 ming dollar jarimaga tortildi.
Finaldan so‘ng Paredes Ispaniya terma jamoasi futbolchilari bilan janjallashib qolgan edi. U dastlab himoyachi Erik Garsiyaning bo‘ynidan ushlagan, keyin esa yarim himoyachi Gavini itarib yuborgandi.
FIFA, shuningdek, Argentina terma jamoasi bosh murabbiyi Roberto Ayalaga 30 ming dollar jarima soldi va uni 3 ta o‘yinga diskvalifikasiya qildi. Xuddi shunday jazo Ispaniya terma jamoasi yarim himoyachisi Gaviga ham qo‘llandi.
Bundan tashqari FIFA Intizom kodeksining “Sport tadbiridan sportga oid bo‘lmagan namoyishlar uchun foydalanish”, “Jamoaning noto‘g‘ri xatti-harakati”, “Kamsitish va irqchilikka asoslangan haqorat” hamda “O‘yinlarda tartib va xavfsizlikni ta’minlash” buzilishi bandlari bo‘yicha Argentina futbol assosiasiyasiga nisbatan 321 000 AQSh dollari miqdorida jarima belgilandi.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
Braziliyalik afsonaviy futbolchi Roberto Karlos musulmon bo‘lgani haqidagi mish-mishlarga munosabat bildirdi
"100 million dollar evaziga hatto o‘z otamning ham yuziga uraman"
