Xitoy Markaziy Osiyo orqali Eronga “sirli yuk samolyotlari” yubordi

Isroilning Eronga bergan zarbasidan so‘ng Xitoydan 3 ta yuk tashuvchi samolyot uchib chiqqanini Britaniyaning The Telegraph nashri yozmoqda.

Har bir samolyot Xitoyning shimoli orqali g‘arbga qarab harakatlanib, 🇰🇿Qozog‘iston, 🇺🇿O‘zbekiston va 🇹🇲Turkmaniston havo hududlaridan o‘tgan va Eron chegarasiga yaqinlashgach, radar ekranlaridan yo‘qolgan.

Parvoz rejasida yakungi manzil sifatida Lyuksemburg ko‘rsatilgan bo‘lsa-da, samolyotlar Yevropa Ittifoqi hududiga yetib bormagan ko‘rinadi.

Nashrning yozishicha, bu parvozlar xavotir uyg‘otgan: urush davom etayotgan bir paytda Xitoy Eron tomon aynan nimani yuborgan bo‘lishi mumkin?

Aviasiya mutaxassislariga ko‘ra, ishlatilgan Boeing 747 rusumidagi samolyotlar odatda harbiy texnika va qurol-aslaha tashish, shuningdek, hukumat buyurtmalari asosida yuk tashish uchun qo‘llaniladi.

“Bunday yuk, ayniqsa Xitoyning Eronga yordam berishi mumkin degan taxminlar fonda, befarq qoldirmaydi”, — deyiladi xabarda.