Xitoy Xalq Respublikasi AQShning Eron yadroviy ob’ektlariga bergan zarbalarini keskin qoralab, Vashington harakatlari BMT Nizomi va xalqaro huquq me’yorlariga zid ekanligini bildirdi.
Xitoy Tashqi ishlar vazirligi rasmiy vakili Mao Ninning ta’kidlashicha, zarba ostiga tushgan ob’ektlar Xalqaro atom energiyasi agentligi (MAGATE) nazorati ostida bo‘lgan. U zudlik bilan ziddiyatni yumshatishga va harakatlarni to‘xtatishga chaqirdi.
Pekin vaziyatdan "chuqur xavotirda" ekanligini bildirgan holda, mojaroda ishtirok etayotgan barcha tomonlarni, ayniqsa Isroilni o‘q otishni to‘xtatishga chaqirdi. Xitoy tomoni Yaqin Sharqda tinchlikni tiklash uchun jahon hamjamiyati bilan hamkorlik qilishga tayyor ekanini bildirdi.
Eslatib o‘tamiz, 22 iyunga o‘tar kechasi AQSh Eronning Fordo, Natanz va Isfahon shaharlaridagi yadroviy ob’ektlariga zarba berdi va rasman Isroil hamda Eron o‘rtasidagi qurolli mojaroga qo‘shildi. 21 iyun kuni Xitoy, Rossiya, Pokiston va Jazoir tashabbusi bilan BMT Xavfsizlik Kengashi yig‘ilishi o‘tkazilib, unda yadroviy infratuzilmaga berilgan zarbalar muhokama qilindi.
Xitoyning BMTdagi doimiy vakili Fu Sunning aytishicha, Isroil tomonidan berilgan zarbalar xalqaro huquqni buzmoqda, mintaqaviy barqarorlikka putur yetkazmoqda va Eron suverenitetiga tahdid solmoqda.
Isroil Rossiyani Eronga havo hujumidan mudofaa tizimlarini yetkazib berishdan tiyilishga chaqirdi
Madaniyat vaziri korrupsiyada ayblanib sudga tortiladi
Yuragi urib turgan bemor o‘lganga chiqarildi va uning ichki a’zolaridan foydalanishdi
