Shu vaqtga qadar Xalq banki boshqaruv raisi lavozimida ishlab ketgan Murodullo Eshmatov «Mikrokreditbank» ATB boshqaruvi raisi etib tayinlandi.
Eslatib o‘tamiz, «Mikrokreditbank» ATB boshqaruv raisi lavozimida ishlab kelgan O.Alimardonov shu yilning 24 oktyabr kuni bank faoliyatida yo‘l qo‘ygan kamchiliklari sabab ishdan bo‘shatilgan edi.
Murodullo Eshmatov esa 2019 yilning aprel oyida Xalq banki boshqaruv raisi etib tayinlangandi. U ushbu vazifaga o‘tishidan avval Sirdaryo viloyati hokimining birinchi o‘rinbosari, Markaziy bank Raisi o‘rinbosari lavozimlarida ishlagan.
