Federal Qidiruv Byurosi (FQB) va Sohil Xavfsizlik Xizmati xakerlar neft supertankerining boshqaruv tizimlariga vaqtincha kirish huquqini qo‘lga kiritganliklari haqida dalillarni qo‘lga kiritdi. Bu haqda Bloomberg manbalarga tayanib xabar berdi.
Agentlik manbalariga ko‘ra, kiberhujum kema Texas qirg‘og‘iga yaqinlashganda aniqlangan. Xakerlar boshqaruv tizimlariga qancha vaqt kirish huquqiga ega bo‘lganliklari yoki ular nima qilishni rejalashtirganliklari hali ham noma’lum.
"Hozirda operasion uzilishlar, kema beqarorligi, ekipaj uchun jismoniy xavf yoki atrof-muhitga ta’sir haqida hech qanday xabarlar yo‘q", deyiladi FQB bayonotida.
Rasmiylar hodisaning holatlarini tekshirmoqda.
Avvalroq, 29 sentyabr kuni Qo‘shma Shtatlardagi xakerlar Pentagonning 3 milliondan ortiq amaldagi va sobiq xodimlarining shaxsiy ma’lumotlarini o‘g‘irlaganliklari haqida xabar berilgan edi.
Nega Isroil O‘zbekistonga qiziqib qoldi?
Ra’no Shodiyeva uchun og‘ir judolik
Ayiq ovlaganlarga pul mukofoti va’da qilindi
