Xabib Nurmagomedov: "Yoqtirmagan odamimni mag‘lub etib, pul topdim va shu yerga sarfladim"

UFC sobiq chempioni Xabib Nurmagomedov Dog‘istonning Sumadin tumanidagi Sildi qishlog‘ida qurilgan zamonaviy sport majmuasi haqida fikr bildirdi.

"AQShga bordim, o‘zimga yoqmagan raqibni mag‘lub etdim. Bunga pul ham to‘lashdi. Vatanga qaytib, bu pulni Dog‘istondagi mana shu go‘zal joyga yo‘naltirdim.

Bu mashg‘ulot markazining tarixi o‘ziga xos. Qo‘shimcha qilaman: bu sarmoyani qaytarib olishga butun umr yetarli bo‘lmaydi. Lekin asosiy maqsad hech qachon bunday bo‘lmagan. Maqsad boshqa edi", — deb yozdi Xabib.