Umumiy ovqatlanish sohasida «Uzum» brendiga o‘xshash belgi bilan faoliyat yuritgan korxona sud qaroriga ko‘ra 94 mln so‘m jarimaga tortildi. Bu haqda Adliya vazirligi matbuot xizmati ma’lum qildi.
Ma’lumotlarga ko‘ra, F.T. korxonasi «Uzum Tezkor» va «Uzum Food» tovar belgisiga o‘xshash belgidan noqonuniy foydalanib kelgan. Mazkur holat bo‘yicha huquqiy ta’sir choralari qo‘llanilib, sudga murojaat etilgan.
«Uzum Tezkor» tomonidan berilgan da’vo arizasida mazkur brendan foydalanish orqali iqtisodiy manfaat ko‘rilgani ta’kidlanib, tovon puli undirilishi so‘ralgan. Sud qaror bilan F.T. korxonasidan 75 mln so‘m tovon puli undirishga hukm chiqargan.
Shuningdek, davlat bojlari va boshqa sarf-xarajatlar bilan birgalikda umumiy summa 94 mln so‘mni tashkil etgan. Mazkur qaror brend huquqlarini himoya qilishda sud organlarining samarali ta’sirini ko‘rsatmoqda.
Ma’lumot uchun, 2025 yil aprel oyida Raqobat qo‘mitasi Uzum Tezkor’ni tayyor ovqat va boshqa iste’mol mahsulotlarini yetkazib berish agregatorlari bozorida ustun raqamli platforma sifatida tan olgan.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
