O‘zbekistonda qidirilayotgan jinoyatchilar qo‘shni mamlakatda qo‘lga olindi

Qozozog‘istonning Chimkent va Atirov aeroportlarida Turkiyaning uch fuqarosi qo‘lga olindi, ular O‘zbekistonda bosqinchilik qilgani uchun qidirilayotgan edi.

Qozog‘iston IIV matbuot xizmati xabar berishicha, yuqoridagi shaxslar yuzlariga niqob taqib Toshkentda begona avtomobilni o‘g‘irlashga uringan. Biroq jabrlanuvchilar ham bo‘sh kelishmagan va bosqinchilar voqea joyidan qochib ketishgan.

Shundan so‘ng jinoyatchilarning ikki nafari qidiruv e’lon qilinishiga qadar Qozog‘istonning Atirov viloyatiga kelib yashiringan. Biri esa Qozog‘iston janubida bo‘lgan.

«Tezkor tadbirlar natijasida uch nafar jinoyatchi qo‘lga olinib, vaqtincha saqlash joyiga keltirildi», — deyiladi xabarda.