Bugun Rossiya Estoniyaning Sillamyae portidan (Leningrad viloyati chegarasiga yaqin joylashgan) slanes moyi yukini olib, Rossiya hududiy suvlari orqali Niderlandiyaga oldindan kelishilgan yo‘nalish bo‘yicha ketayotgan Liberiya bayrog‘i ostidagi "Green Admire" neft tankerini to‘xtatganini Estoniya Tashqi ishlar vazirligi ma’lum qildi. Kema Gresiya kompaniyasiga tegishli ekan. Tankerning ushlab qolinishiga nima sabab bo‘lgani hozircha noma’lum.
"Bugungi voqea shuni ko‘rsatmoqdaki, Rossiya hamon kutilmagan tarzda harakat qilishni davom ettirmoqda," deya ta’kidladi Estoniya tashqi ishlar vaziri Margus Saxkna.
