Futbol tarixidagi eng kuchli futbolchi kim ekanligi ma’lum bo‘ldi

Xalqaro futbol tarixi va statistikasi federasiyasi (IFFHS) o‘z sayti sahifalarida tarixdagi eng yaxshi futbolchilar reytingini e’lon qildi.

Reytingning birinchi pog‘onasidan sakkiz karra "Oltin to‘p" sohibi Lionel Messi joy oldi. Ikkinchi pog‘onadan tarixda uch marta jahon chempioni bo‘lgan Pele joy olgan.

Kuchli uchlikni yana bir argentinalik Diyego Maradona yakunlab berdi. Krishtianu Ronaldu to‘rtinchi pog‘onadan joy olgan. Kuchli beshlikni afsonaviy niderlandiyalik Yoxan Kroyff yakunlamoqda.

Undan keyingi o‘ntalikda Ronaldo, Zinedin Zidan, Frans Bekkenbauer, Alfredo di Stefano va Ronaldinyo bormoqda.