O‘zbekistonda Investisiya kodeksi qabul qilinadi

Prezident tadbirkorlar bilan uchrashuvda shunday hujjatni qabul qilish vaqti kelganini ta’kidladi.

“To‘g‘ri, bizda investisiyaviy munosabatlarni tartibga solish, sarmoyadorlar huquqlarini himoya qilish va ularga sharoitlar yaratish bo‘yicha yuzlab hujjatlar bor. Bularni hammasini to‘g‘ridan-to‘g‘ri amal qiladigan yagona qonunga birlashtirib, Investisiya kodeksini qabul qilish vaqti keldi”, dedi Shavkat Mirziyoyev.

Davlat rahbari parlament kodeksni ishlab chiqishda Jamoatchilik kengashi bilan hamkorlik qilishi foydali bo‘lishini qo‘shimcha qildi.