Bekobod tumanida IIB Jinoyat qidiruvi bo‘limi xodimi Nexia-3 avtomashinasida 43 yoshli piyodani urib yuborib, uning o‘limiga sabab bo‘lgan. Aytilishicha, jinoyatni yashirish maqsadida marhumning jasadi Sirdaryo daryosiga tashlangan.
Holat yuzasidan Jinoyat kodeksining 266-moddasi 2-qismi va 117-moddasi 2-qismi bilan jinoyat ishi qo‘zg‘atilib, gumonlanuvchi qamoqqa olingan. Marhumning jasadini topish bo‘yicha qidiruv ishlari davom etmoqda.