O‘zbekistonda hayvonlarni majburiy identifikasiya qilish va ro‘yxatga olish to‘g‘risidagi qonun kuchga kirdi

O‘zbekistonda «Hayvonlarni identifikasiya qilish, ro‘yxatga olish va kuzatish to‘g‘risida»gi qonun kuchga kirdi.

Hujjatga ko‘ra, mamlakat hududida saqlanadigan va ko‘paytiriladigan hayvonlar quyidagi muddatlarda identifikasiya qilinishi va ro‘yxatga olinishi kerak:

• yirik shoxli qoramollar, qo‘ylar, echkilar va tuyalar — tug‘ilgan paytidan e’tiboran 14 kun o‘tgach;

• otlar — tug‘ilgan paytidan e’tiboran to‘rt oy o‘tgach;

• cho‘chqalar — tug‘ilgan paytidan e’tiboran bir oy o‘tgach;

• itlar va mushuklar — tug‘ilgan paytidan e’tiboran uch oy o‘tgach.

Agar hayvon egasi ko‘rsatilgan muddatlarga ulgurmasa, ro‘yxatdan o‘tish uchun unda yana bir oy muddat qoladi.