O‘zbekiston o‘smirlar terma jamoasining yarim finaldagi raqibi ma’lum bo‘ldi

Ayni damda Saudiya Arabistonida 17 yoshgacha bo‘lgan futbolchilar o‘rtasida Osiyo Kubogi o‘tkazilmoqda.

Chorak finalda BAAni taslim qilgan o‘zbekistonlik o‘smirlar bugun navbatdagi raqibi nomini bilib olishdi. Indoneziyani 6:0 hisobida mag‘lub etgan KXDR terma jamoasi yarim finalda O‘zbekiston U-17 terma jamoasiga qarshi maydonga chiqadi.

Bahs 17 aprel kuni Qirol Fahd stadionida bo‘lib o‘tadi.

Eslatib o‘tamiz, o‘zbekistonlik o‘smirlar "A" guruhida barcha raqiblarini taslim qilib, birinchi o‘rin bilan keyingi bosqichga chiqqan edi.