O‘zbekiston Qirg‘izistonni kichik hisobda yengdi

Toshkentda JCH-2026 saralash bosqichida O‘zbekiston va Qirg‘iziston termalari o‘zaro maydonga tushdi.

Keskin kurashlarga boy o‘tgan bahsda o‘zbekistonliklarda ko‘plab vaziyatlar vujudga keldi. Dastlab Eldor Shomurodov penaltini ura olmadi.

40-daqiqada Hojiakbar Alijonov raqib darvozasini ishg‘ol qildi.

70-daqiqada Eldor Shomurodov urgan gol inobatga olinmadi.

Uchrashuv davomida vakillarimizda gol urish uchun yaxshi vaziyatlar vujudga keldi, ammo futbolchilar ulardan foydalana olmadi.

Natijada uchrashuv 1:0 hisobida yakunlandi.