"O‘rikzor"da sotilayotgan ayrim mahsulotlar yuzasidan ogohlantirish berildi

“O‘rikzor” bozori “Stroygorod” savdo do‘konlarida sotilayotgan “Sarkor PUGNP 2x1,5” hamda “Xitoy PVS 3x1,5” savdo brendi ostidagi kabel mahsulotlari fuqarolarning hayoti, sog‘ligi va mol-mulkini muhofaza qilish nuqtai nazaridan tekshirildi.

Texnik jihatdan tartibga solish sohasida nazorat inspeksiyasi ma’lumotiga ko‘ra, Xitoy davlatida ishlab chiqarilgan mazkur kabel mahsulotlarini texnik jihatdan tartibga solish sohasidagi normativ hujjatlar talablariga muvofiqligini aniqlash maqsadida nazorat xaridlari tadbirlari o‘tkazildi.

Sinov natijalari:
✅ “Sarkor PUGNP 2x1,5” kabel mahsulotlari “mis o‘tkazgichlarning elektr qarshiligi” bo‘yicha belgilangan standart talablariga nomuvofiq ekani aniqlandi.
✅ “Xitoy PVS 3x1,5” kabel mahsulotlari esa “izolyasiyaning minimal qalinligi” va “mis o‘tkazgichlarning elektr qarshiligi” bo‘yicha standartlarga nomuvofiq ekani qayd etildi.

Mazkur kabel mahsulotlaridan foydalanish jarayonida yong‘in xavfi yuzaga kelishi mumkin.