Ummon tashqi ishlar vaziri Badr al-Busaidiy AQShni Eronni xavfsizlikka tahdid sifatida ko‘rsatish orqali mintaqada tinchlik o‘rnatilishiga to‘sqinlik qilayotganlikda aybladi. Bu haqda «Tasnim» agentligi xabar berdi.

Vazirning ta’kidlashicha, Eronni tahdid sifatida talqin qilish mintaqadagi barqarorlikni ta’minlashga yordam bermaydi.

Badr al-Busaidiy, shuningdek, Fors ko‘rfazi arab davlatlari hamkorlik kengashiga a’zo olti mamlakat, Eron va Iroq o‘rtasida o‘zaro hujum qilmaslik to‘g‘risidagi pakt imzolash tashabbusini ilgari surdi.

Ushbu taklif mintaqadagi davlatlar o‘rtasida ishonchni mustahkamlash va harbiy keskinlikning oldini olishga qaratilgan.