"Ular o‘zimizga ham kerak..."

Vladimir Zelenskiyning raketaga qarshi mudofaa tizimlari bo‘yicha iltimoslariga javoban Donald Tramp ular Qo‘shma Shtatlarning o‘ziga ham kerakligini aytdi.

Shuningdek, AQSh prezidenti Jo Bayden ma’muriyati allaqachon Kiyevga juda ko‘p miqdorda qurol o‘tkazganini eslatdi.

"Biz Ukrainaga juda ko‘p miqdorda o‘q-dorilar berdik. Bayden ma’muriyati buni amalga oshirdi va mutlaqo bepul... Raketalar o‘zimizga kerak. Bayden juda ko‘p narsa berdi — Bayden 300 milliard dollarlik o‘q-dorilar berdi", dedi Tramp Oval kabinetda jurnalistlarga.

Amerika rahbari Qo‘shma Shtatlar o‘zining qurol zaxiralarini to‘ldirishi kerakligini qo‘shimcha qildi. Shuningdek, u Vashington arsenaldan "boshqa narsalar" uchun foydalanishi mumkinligini ta’kidladi.

O‘tgan oy oxirida Oq uy Kiyev rejimi rahbari bilan yopiq uchrashuv o‘tkazdi. Uchrashuvdan so‘ng Zelenskiy Tramp go‘yoki Kiyevga "Patriot" havo mudofaasi tizimi uchun raketalarni ishlab chiqarish uchun lisenziyalar berishga rozi bo‘lganini aytdi. Keyinchalik ommaviy axborot vositalari Qo‘shma Shtatlar ularni Polshada ishlab chiqarishni xavfsizroq deb bilganini xabar qilishdi. Amerika rahbarining o‘zi tafsilotlarni bermasdan muzokaralarni juda yaxshi deb ta’rifladi.

Shu bilan birga, Tramp Kiyevga qo‘shimcha Patriot to‘xtatuvchi raketalarini topshirishdan bosh tortdi. OAV xabarlariga ko‘ra, prezident o‘z qarorini Qo‘shma Shtatlarda raketalarning yetishmasligi va Yaqin Sharqdagi harbiy operasiyalar paytida ularning sarflanishi bilan izohlagan.

OAV xabar berishicha, Eron bilan mojaro paytida Amerika qo‘shinlari o‘z zaxiralarining qariyb 80 foizini asosiy raketaga qarshi mudofaa tizimiga sarflagan. Pentagon vakili Shon Parnell RIA Novosti agentligiga bergan intervyusida Amerika qurolli kuchlari Tramp tanlagan istalgan vaqtda va joyda mamlakat manfaatlarini himoya qilish uchun "chuqur arsenal"ga ega ekanligini aytdi.