Ukraina: Xarkovga Rossiya dronlari bilan hujum qilindi

16 sentyabr, seshanba kuni, Ukrainadagi Xarkov shahri Rossiya Qurolli Kuchlarining bespilotnik (dron) hujumiga uchradi. Hujum oqibatida uch kishi jarohatlangani ma’lum qilindi. Bu haqda shahar meri Igor Terexov Telegram sahifasida xabar berdi.

Hujum haqida Xarkov viloyati harbiy ma’muriyati rahbari Oleg Sinegubov ham ma’lumot berdi.

«Dastlabki ma’lumotlarga ko‘ra, Xarkovning Slobodskoy tumanida dushman droni zarbasi qayd etildi. Hodisa natijasida yong‘in kelib chiqdi. Hodisa joyiga Favqulodda vaziyatlar xizmati va tez yordam brigadalari yetib boryapti», — deb yozdi u ijtimoiy tarmoqda.

Hujum vaqtida dronlardan biri Slobodskoy tumanidagi Ukraina Milliy Farmasevtika universiteti binosiga urilgani ma’lum qilindi.

Bu haqda Ukraina OAV shahar meri Terexov, mamlakat IIV matbuot xizmati va prokuraturaga tayanib xabar berdi.