Ukraina Qurolli kuchlari Bosh shtabi: Rossiya "Sudja" gaz o‘lchash stansiyasini o‘zi o‘qqa tutdi

Ukraina Qurolli kuchlari Bosh shtabining ma’lum qilishicha, Rossiya harbiylari 21 martga o‘tar kechasi Kursk viloyatida joylashgan "Sudja" gaz o‘lchash stansiyasini artilleriya bilan o‘qqa tutgan.

Avvalroq, Rossiya harbiy blogerlari va Telegram-kanallari ushbu hujumda Ukrainani ayblagan edi. Biroq Ukraina Bosh shtabi bu da’volarni rad etib, Rossiya "Ukrainaga qarshi diskreditasiya kampaniyasini kuchaytirish" uchun bunday harakatlarga qo‘l urmoqda, deya bayonot berdi.

"Sudja" gaz o‘lchash stansiyasini rossiyaliklarning o‘zlari bir necha bor o‘qqa tutgan. Jumladan, o‘tgan yilning yozida ruslar tomonidan boshqariladigan aviasiya bilan bombardimon qilingan, uch kun avval esa rossiyaliklar yana uni boshqariladigan aviasiya bombalari bilan urishgan", deyiladi Bosh shtab xabarida.

The Insider nashri NASA Firms ma’lumotlariga tayanib, 21 martga o‘tar kechasi stansiya hududida katta yong‘in qayd etilganini tasdiqladi.