"Trampga Ukrainada tinchlik emas, balki Nobel mukofoti kerak"

Trampga Ukrainada tinchlik emas, balki Nobel mukofoti kerak, deb hisoblaydi uning milliy xavfsizlik bo‘yicha sobiq maslahatchisi Jon Bolton.

Boltonning El Pais gazetasiga bildirgan fikricha, AQSh prezidenti oxir-oqibat Ukraina bo‘yicha tinchlik tashabbuslaridan voz kechadi va tezda natija olish mumkin bo‘lgan sayyoradagi boshqa mojaro o‘chog‘iga e’tiborini qaratadi.

"Tramp istaydigan yagona narsa - tinchlik bo‘yicha Nobel mukofoti. U buni Barak Obamaga berilganidan beri xohlaydi - uningcha, bu adolatsizlik edi. Unga mukofotni Ukraina uchun berishadimi, Yaqin Sharq uchunmi yoki Hindiston va Pokiston o‘rtasidagi vositachilik uchunmi - buning ahamiyati yo‘q," - dedi Bolton.

U, shuningdek, hozir Tramp siyosiy oqibatlar haqida o‘ylamasligini, chunki uchinchi muddatga saylanishni rejalashtirmayotganini ta’kidladi. U faqat "o‘z obro‘si va kelajakda u haqda nima deyishlari to‘g‘risida" qayg‘uradi.