Ukraina Rossiyaning muhim harbiy ob’ektlariga zarba berdi

Ukraina mudofaa kuchlari Rossiya harbiy-sanoat majmuasi uchun muhim bo‘lgan ob’ektlarga, xususan, "Raduga" zavodiga zarba berishga muvaffaq bo‘ldi.

Qayd etilishicha, hujum paytida Ukraina dronlari Rossiya poytaxtini himoya qiluvchi havo mudofaasini chetlab o‘tgan va "Raduga" korxonasining yong‘in chiqqan yig‘ish va jihozlash sexlariga zarba bergan.

Ukraina Bosh shtabining xabar berishicha, zavod "Kronshtadt" AJ tarkibiga kiradi. Ushbu AJ uchuvchisiz aviasiya tizimlariga ixtisoslashgan. U yerda, xususan, "Orion," "Inoxodes," "Molniya," "Grom," "Termit," "Gelios," "Sirius" uchuvchisiz uchish apparatlari, yer usti boshqaruv komplekslari ishlab chiqariladi.

Shuningdek, tunda Ukraina Qurolli kuchlari bo‘linmalari Rossiya Federasiyasining Moskva viloyatidagi "Angstrem" AJga zarba berdi. Nishon hududiga tegish qayd etildi. Kompaniya RF harbiy-sanoat kompleksi korxonalari tomonidan keng qo‘llaniladigan mikroelektron komponent bazasini ishlab chiqaradi.