Bugun 17 noyabr, 2026 yil, seshanba

КИР

Ukraina bo‘yicha muzokaralarda Yevropani milliy xavfsizlik bo‘yicha maslahatchilar vakillik qiladi

Ukraina bo‘yicha muzokaralarda Yevropani milliy xavfsizlik bo‘yicha maslahatchilar vakillik qiladi

Germaniya, Fransiya, Buyuk Britaniya, Italiya va Polsha milliy xavfsizlik bo‘yicha maslahatchilari Rossiya va Ukraina o‘rtasida bo‘lajak muzokaralarda texnik darajada Yevropa nomidan ishtirok etadi. Bu haqda Bloomberg agentligi yuqori lavozimli Yevropa rasmiysiga tayanib xabar berdi.

Nashr ma’lumotiga ko‘ra, Yevropa yetakchilari bunday qarorni payshanba va juma kunlari Dublinda bo‘lib o‘tgan sammitlar yakunlari bo‘yicha qabul qilgan.

Sammit arafasida Ukraina prezidenti Vladimir Zelenskiy Yevropa yetakchilarini AQSh vositachiligida Rossiya va Ukraina o‘rtasida tinchlik muzokaralarini qayta boshlash uchun o‘z vakillarini tayinlashga chaqirgan edi.

Uning so‘zlariga ko‘ra, Ukrainaga qarshi keng ko‘lamli urush boshlanganiga qariyb besh yil bo‘lgan bir sharoitda Rossiya Yevropa davlatlarining muzokaralarda ishtirok etishiga avvalgidan ko‘ra ochiqroq munosabat bildirmoqda. Biroq Yevropa uzoq vaqt davomida qit’a nomidan kim vakillik qilishi kerakligi borasida bir qarorga kela olmagan.

Nomi oshkor etilmagan maslahatchilardan birining ma’lum qilishicha, mazkur rasmiylar kelgusidagi har qanday muzokaralarda texnik darajada ishtirok etadi.

Kiritildi: 10:34 14.11.2026. O'qildi: 695 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik