Turkiyaning g‘arbiy qismida joylashgan Izmir viloyati Aliaga tumanidagi HABAŞ metallurgiya zavodida sodir bo‘lgan portlash yuzasidan olti kishi qo‘lga olindi.
Bu haqda TRT Haber telekanali xabar bermoqda.
Mazkur hodisa yuzasidan jinoyat ishi qo‘zg‘atilgan bo‘lib, tergov doirasida olti nafar gumonlanuvchi hibsga olingan.
Ayni paytda jinoyat ishi bo‘yicha tergov harakatlari davom etmoqda.
Qayd etish joizki, portlash oqibatida 16 kishi halok bo‘lgan, yana 13 kishi jarohatlangan. Ularning ikki nafari og‘ir ahvolda.