2026 yilda NATO sammitiga Turkiya mezbonlik qiladi.
Bu haqda alyansga a’zo davlatlar davlat va hukumat rahbarlarining 9—11 iyul kunlari Vashingtonda bo‘lib o‘tgan sammitining yakuniy deklarasiyasida aytiladi.
Hujjatda qayd etilishicha, NATOning navbatdagi yig‘ilishi Niderlandiyada bo‘lib o‘tadi.
«Amerika Qo‘shma Shtatlari tomonidan bizga ko‘rsatilgan saxovatli mehmondo‘stlik uchun minnatdormiz. 2025 yil iyun oyida Niderlandiyaning Gaaga shahrida, so‘ngra Turkiyada bo‘lib o‘tadigan navbatdagi sammitimizda yana uchrashishni intiqlik bilan kutmoqdamiz», — deyiladi deklarasiyada.