Shimoliy Koreya armiyasi askarlari Ukraina frontiga jo‘nab ketish arafasida Rossiya hududida mashg‘ulotlar o‘tkazmoqda. Internetda koreyalik harbiylar aks etgan video paydo bo‘ldi.
"Strategik kommunikasiyalar va axborot xavfsizligi markazi" xabariga ko‘ra, video Uzoq Sharqdagi Primore o‘lkasidagi Sergeev poligoni hududida suratga olingan. Bir guruh askarlarga kiyim-kechak berish jarayoni tasvirga olindi.
"Shimoliy Koreya askarlari Rossiya anjomlari bilan jihozlanmoqda. Yaqinda olingan, 72 soatdan oshmagan kadrlar," - deyiladi videoga izohda.
