Ukrainadagi mojaroda vaqt Rossiya foydasiga ishlamoqda. Moskvaning harbiy salohiyati oshib bormoqda. Bu haqda Shveysariya Konfederasiyasi razvedka xizmati xabar berdi.
"Rossiya avvalgidek urushni davom ettirishga sodiq qoladi va uning harbiy salohiyati yaqin oylarda oshadi. AQSh va Yevropada esa Ukrainaga yordam qo‘lini cho‘zish siyosiy jihatdan qiyinlashmoqda. Shuning uchun vaqt hozir Rossiya foydasiga ishlayapti", deyiladi Shveysariya Konfederasiyasi razvedka xizmati yillik hisobotida.
Konfederasiya razvedka xizmatining qayd etishicha, butun dunyo xavfli va beqaror o‘tish davrini boshdan kechirmoqda, bu esa global miqyosda hukumat munosabatlarini qayta qurishga olib keladi.