“Real”ning ikki yulduzi "El-klasiko"ni o‘tkazib yuboradigan bo‘ldi

Braziliya terma jamoasi va Madridning “Real” klubi hujumchisi Rodrigo Chempionlar Ligasi umumiy bosqichining 3-turidan o‘rin olgan Dortmundning “Borussiya” klubiga qarshi o‘yinda tizzasidan jarohat oldi.

Futbolchi La Liganing 11-turida “Barselona”ga qarshi o‘yinni o‘tkazib yuboradi, deb xabar beradi Ispaniyaning Relevo internet nashri.

Bundan tashqari, “Real” darvozaboni Tibo Kurtua ham mushaklaridan jarohat olgan. Insayder Romanoning fikriga ko‘ra, u ham Kataloniya klubiga qarshi uchrashuvni o‘tkazib yuborishi mumkin.

“Real Madrid” — “Barselona” uchrashuvi 26 oktyabr kuni bo‘lib o‘tadi.

Hozirda Ispaniya chempionatida “Barselona” peshqadamlik qilmoqda. Ular hisobida 10 o‘yindan 27 ochko mavjud. “Real” esa 24 ochko bilan ikkinchi o‘rinda bormoqda.