AQSh prezidenti Donald Trampga suiqasd uyushtirishda ayblangan biznesmen Asif Merchant Eronni majburlash fitnasida ishtirok etganini da’vo qilmoqda.
Bu haqda The Guardian nashri Nyu-Yorkdagi Bruklin sudiga tayanib xabar berdi.
Uning da’vo qilishicha, u Eron bilan hamkorlik qilgan, chunki eronliklar uning rafiqasi va asrab olingan qizini o‘ldirish bilan tahdid qilishgan.
Merchant o‘z ko‘rsatmasida u bilan birga ishlagan Mehrdad Yusuf ismli Islom inqilobi gvardiyasi korpusi ofiseri unga 2024 yilda AQShga borishni va boshqa ishlar qatori buyurtma asosida qotillik qilish uchun jinoyatchilarni yollashni buyurganini da’vo qildi. Sudlanuvchining so‘zlariga ko‘ra, unga aniq nishon ko‘rsatilmagan. Potensial nishonlar orasida o‘sha paytdagi AQSh prezidenti Jo Bayden, Donald Tramp va Respublikachilar partiyasining taniqli vakili Nikki Xeyli bor edi.
Merchant FQB agentlari bo‘lib chiqqan bo‘lajak qotillarga 5000 dollarni topshirganida, reja barbod bo‘ldi. U 2024 yil yozida Texasni tark etishga tayyorgarlik ko‘rayotganida hibsga olingan. Uning sud jarayoni o‘tgan hafta boshlangan.
Netanyaxu Isroildan qochib ketdi
Tezkor xabar: Eron AQSh bazalari tomon yangi avlod o‘ta og‘ir raketasini uchirdi
Eron oliy rahbariga uyushtirilgan hujum qanday tayyorlangan edi?
