AQSh prezidenti Donald Tramp yoqilg‘i narxlari yuqoriligini hisobga olgan holda, Amerika neft sanoatini qo‘llab-quvvatlash maqsadida Koreya urushi (1950–1953) davrida qabul qilingan harbiy mahsulotlar ishlab chiqarish to‘g‘risidagi qonunni qo‘lladi.
Bu haqda Oq uy tomonidan e’lon qilingan davlat rahbari memorandumida ma’lum qilingan.
Tramp neft qazib olish, uni qayta ishlash va ushbu sohalar bilan bog‘liq faoliyatni milliy mudofaa uchun zarur deb e’lon qildi.
«Mamlakat ichida neft qazib olish, uni qayta ishlash va logistika sohalaridagi imkoniyatlar, jumladan, neft qidiruvi va qazib olish, transport quvurlari, saqlash omborlari hamda dengiz terminallari milliy mudofaa uchun hayotiy ahamiyatga ega bo‘lgan sanoat resurslari, materiallar va muhim texnologik tarkibiy qismlar hisoblanadi», — deyiladi hujjatda.
Ushbu qonun prezidentga milliy xavfsizlikni mustahkamlash maqsadida ayrim turdagi mahsulotlar ishlab chiqarishni ko‘paytirish imkonini beradi.
Mazkur vakolatlar doirasida Tramp Pentagonga AQSh neft sanoatini qo‘llab-quvvatlash uchun mablag‘ ajratishga ruxsat berdi. Bunda tegishli choralar odatdagi cheklovlar va Kongressni oldindan xabardor qilish talablaridan ozod etildi.
Endi AQSh Mudofaa vazirligi zarur mahsulotlarni xarid qilishi, subsidiyalar, qarzlar va kredit kafolatlarini taqdim etishi, shuningdek, yangi korxonalar qurilishi va mavjud ishlab chiqarish quvvatlarini kengaytirishni moliyalashtirishi mumkin.
Biz G‘azo sektori va Livan qishloqlarini vayron qilyapmiz, butun dunyo esa bizga qoyil qolmoqda
Birgina surat maxfiy rejani tasodifan oshkor qildi. 5 kun ichida nimalar bo‘ldi?
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
