Tramp va Putin muhokamasi: yaqin hamkorlari ham foyda ko‘rishi mumkin

Tramp Putin bilan neft kelishuvini muhokama qilmoqda — uning yaqin hamkorlari ham foyda ko‘rishi mumkin.

Donald Tramp ma’muriyatining Rossiya bilan Ukraina masalasi bo‘yicha muzokaralari kutilmaganda «Lukoyl»ning milliardlab dollarlik aktivlarini sotish masalasiga ham borib taqaldi.

🛢️ The New York Times yozishicha, bu g‘oyani sentyabr oyida Kremldagi uchrashuv vaqtida Vladimir Putin amerikalik muzokarachilar Stiv Uitkoff va Jared Kushnerga shaxsan taklif qilgan.

Gap «Lukoyl»ning xorijdagi taxminan 20 milliard dollarlik neft konlari, neftni qayta ishlash zavodlari va yoqilg‘i quyish shoxobchalaridan iborat xalqaro aktivlarini sotish haqida ketmoqda.

⚠️ Hozircha bu faqat muzokaralar loyihasi. Yakuniy kelishuv mavjud emas va bitim Vashington hamda Moskva tomonidan tasdiqlanishi kerak.

Qiziq tomoni — ehtimoliy xaridorlar orasida Tramp bilan yaqin aloqador shaxslar ham bor. Masalan, amerikalik milliarder Todd Boeli, u Tramp bilan bog‘liq tashkilotlarga 2 million dollar xayriya qilgan.

Konsorsium tarkibida Kushner va Uitkoff oilalari bilan biznes aloqalariga ega bo‘lgan Yaqin Sharq tadbirkorlari ham bo‘lishi mumkin.

Shuningdek, Abu-Dabidagi sheyx Tahnun bin Zoid Ol Nahayon bilan bog‘liq investisiya fondi ham ehtimoliy ishtirokchilardan biri sifatida tilga olinmoqda.

🔎 Biroq hozircha Uitkoff yoki Kushner bu bitimdan shaxsan daromad olishiga to‘g‘ridan-to‘g‘ri dalil yo‘q.

Moskva bu kelishuvni Rossiya va AQSh kompaniyalari urushga qaramay yana biznes qila olishini ko‘rsatish imkoniyati sifatida ko‘rmoqda. Vashington uchun esa ehtimoliy foyda — neft narxlarini pasaytirish va Rossiya bilan iqtisodiy aloqalarni tiklash.