Zelenskiy: "Ukraina Kiyevga qarshi hujumlarning kuchayishiga javoban Rossiyaga qarshi ikki baravar ko‘p zarba beradi"

Ukraina Moskvaning Kiyev va boshqa shaharlarning turar-joy massivlariga ko‘proq zarba berishni talab qiladigan yangi harbiy siyosatiga javoban Rossiya neftni qayta ishlash zavodlariga hujumlarini ikki baravar oshiradi, shu bilan birga tinch aholiga hujumlarni istisno qiladi.

Ukraina prezidenti Vladimir Zelenskiy bu haqda Reuters agentligiga bergan intervyusida ma’lum qildi.

Uning so‘zlariga ko‘ra, Ukraina razvedkasi Rossiya hukumati qish mavsumi oldidan "yangi doktrina" tayyorlaganini, odamlarni Ukraina poytaxti va boshqa shaharlardan haydab chiqarish maqsadida tinch aholi nishonlariga harbiy hujumlarni kengaytirganini ko‘rsatuvchi hujjatlarni qo‘lga kiritdi.

"Biz hujjatlarni ko‘rdik va ular odamlarni poytaxt va boshqa shaharlarni tark etishga majbur qilish uchun infratuzilma... logistika... yo‘llar, maktablar, kasalxonalarni nishonga olishga imkon berishini bilamiz. Operasiyaning maqsadi shu", dedi Zelenskiy.

Uning so‘zlariga ko‘ra, yo‘nalishning o‘zgarishi Rossiya armiyasining asosiy front chizig‘i mintaqasida mag‘lubiyatga uchrashi va katta yo‘qotishlarga duch kelishi bilan bog‘liq.

Zelenskiyning so‘zlariga ko‘ra, Ukrainaning "Vivaldi" kod nomi bilan davom etayotgan qarshi hujumi Donbassning sharqiy qismining taxminan 140 kvadrat kilometrini ozod qilgan, Rossiya esa bu hududni har qanday tinchlik shartnomasi bo‘yicha nazorat qilishni rejalashtirmoqda.