AQSh prezidenti Donald Tramp Turkiya prezidenti Rajab Toyyib Erdo‘g‘on bilan muzokaradan so‘ng Turkiyaga nisbatan sanksiyalarni bekor qilish va unga F-16 qiruvchi samolyotlarini sotishni qayta tiklashni ko‘rib chiqmoqda.
Bu haqda Fox News Digital telekanali ikki manbaga tayanib xabar berdi.
Tramp F-16 bitimini yakunlashda yordam berishga tayyorligini bildirdi va tomonlar Turkiya bilan xizmatda bo‘lgan Rossiyaning S-400 zenit-raketa komplekslarini zararsizlantirishga kelishib olsalar, Anqaraga F-35 qiruvchi samolyotlarini sotishni istisno qilmadi.
"Bu S-400 jihozlarini qisman demontaj qilish yoki uni AQSh nazorati ostidagi bazaga ko‘chirishni o‘z ichiga olishi mumkin”, - dedi telekanal manbalari.
Turkiyaga qarshi sanksiyalar Vashington tomonidan Rossiyadan S-400 larni sotib olganidan keyin joriy qilingan va bu AQSh va uning NATO bo‘yicha ittifoqchilari orasida xavotir uyg‘otgan. F-35 sotuvi muzlatilgan va Turkiya samolyot ishlab chiqarish dasturidan chiqarildi. Anqara Rossiyaning S-400 lardan foydalanishdan voz kechishni rejalashtirmayotganini bir necha bor ta’kidlagan.
"Manchester Siti" o‘zining instagramdagi sahifasida O‘FAga keskin murojaat yo‘lladi
Xonanda Feruza Karimova 40 mln so‘mdan ziyod jarima to‘laydigan bo‘ldi
Ukraina samolyotlari Rossiyadagi boshqaruv punktini yo‘q qildi
