Tramp tartibsizliklar fonida Fransiya rasmiylariga maslahat berdi

Fransiya rasmiylari chegaralarni yopishi va ommaviy tartibsizliklarni nazorat ostiga olishi kerak.

AQSh prezidenti Donald Tramp bu haqda o‘zining Truth Social sahifasida ma’lum qildi.

"Kech bo‘lmasdan oldin vaziyatni nazoratga oling!" deb yozgan u.

Trampning so‘zlariga ko‘ra, qalbida nafratga to‘la "mutlaqo boshqa dunyo"dan odamlarning immigrasiyasi "bir vaqtlar buyuk mamlakatni" vayron qildi.

Fransiya bosh vaziri Sebastyan Lekornyu 17 oktyabr kuni polisiya maktab noroziliklarining navbatdagi bosqichidan kelib chiqqan ommaviy tartibsizliklar paytida Fransiya bo‘ylab 1200 kishini hibsga olganini ma’lum qildi. Butun mamlakat bo‘ylab norozilik namoyishlarida jami 550 000 kishi ishtirok etdi.

Ijtimoiy tarmoqlarda vandallarning do‘kon vitrinalari va bankomatlarni talon-taroj qilayotgani, mashinalar, axlat qutilari va avtobus bekatlarini yoqib yuborayotgani va shahar infratuzilmasiga zarar yetkazayotgani aks etgan videolar paydo bo‘ldi. Namoyishchilar shuningdek, polisiyaga shishalar, toshlar va feerverklar otgan.