Tramp ma’muriyati Rossiya bilan savdo aloqalarini tiklashni Ukraina inqirozini hal etish kafolati deb hisoblaydi

Foreign Policy nashri yozishicha, AQShning Tramp ma’muriyati Rossiya bilan savdo-iqtisodiy aloqalarni yo‘lga qo‘yish Ukraina inqirozini hal etishda muhim omil bo‘lishi mumkin, deb hisoblaydi.

Nashrga ko‘ra, ma’muriyat vakillari iqtisodiy hamkorlikni qayta tiklash Moskva bilan muzokaralar uchun qo‘shimcha rag‘bat yaratadi va siyosiy kelishuvga erishish imkoniyatlarini kengaytiradi, deb hisoblamoqda. Ayni paytda bu yondashuv AQSh va uning ittifoqchilari orasida bahs-munozaralarga sabab bo‘lmoqda, chunki ayrim davlatlar bunday siyosat Rossiyaga nisbatan bosimni susaytirishi mumkinligidan xavotirda.