Dunyodagi eng qimmat harbiy samolyotni bilasizmi?

B-2 Spirit — dunyodagi eng qimmat harbiy samolyot.

AQSh Harbiy-havo kuchlari va Pentagon ma’lumotlariga ko‘ra, 1997 yilga kelib, dasturning umumiy qiymati 21 ta samolyot uchun 44,75 milliard dollarga yetgan. Demak, bitta B-2 Spirit bombardimonchisining o‘rtacha xarid qiymati taxminan ikki milliard dollarga teng.

Pentagon inflyasiyani hisobga olgan holda rasmiy yangilangan raqamlarni e’lon qilmagani uchun tahlilchilar, odatda, aynan shu hujjatlashtirilgan “ikki milliard dollarni” asos qilib oladi. Jami 21 dona B-2 Spirit qurilgan, shulardan 19 tasi hozirgacha safda qolmoqda.