Tramp: "Islomoboddagi muzokaralar natijasi muhim emas, biz yutdik"

AQSh prezidenti Donald Tramp Pokistondagi AQSH-Eron muzokaralari natijalaridan xavotirda emasligini aytdi, chunki Vashington, uning so‘zlariga ko‘ra, allaqachon urushdan g‘alaba qozongan.

Amerika yetakchisi bu bayonotni Oq uyda bo‘lib o‘tgan matbuot anjumanida aytib o‘tdi.

"Biz kelishuvga erishamizmi yoki yo‘qmi, men uchun farqi yo‘q. Aslida, biz g‘alaba qozondik", dedi Tramp va AQSh Eronni "to‘liq mag‘lub etganini" qo‘shimcha qildi.

U AQSh Eron havo kuchlari, dengiz floti va rahbariyatini yo‘q qilgani va endi Hormuz bo‘g‘ozi orqali erkin o‘tishni ta’minlash ustida ishlayotgani haqidagi avvalgi da’volarini takrorladi.

"Biz bo‘g‘ozni ochamiz, garchi biz undan o‘zimiz foydalanmasak ham, chunki dunyoning boshqa ko‘plab mamlakatlari undan foydalanadi va ular qo‘rqishadi, kuchsiz yoki ochko‘z. Men kelishuv nima ekanligini bilmayman, lekin NATO bizga yordam bermadi", dedi Oq uy rahbari.

Shuni ta’kidlash kerakki, Islomobodda AQSh va Eronning yuqori martabali delegasiyalari o‘rtasidagi muzokaralar deyarli sakkiz soat davom etdi.