AQSh prezidentining fikricha, namoyishlar kuchayib borayotgan Fransiya o‘z chegaralarini zudlik bilan yopishi kerak.

AQSh Prezidenti Donald Tramp Fransiyada kundalik iste’mol tovarlari narxining oshishi sababli namoyishlar kuchayib borayotgan bir paytda, mamlakatni migrantlar «egallab olgani» haqida bayonot berdi.

Tramp Fransiyadagi norozilik namoyishlari yuzasidan ijtimoiy tarmoqlarda fikr bildirib, migrantlar mamlakatni «bosib olgani»ni aytdi va Fransiya hukumatini chegaralarni zudlik bilan yopishga chaqirdi.

Mamlakatning yuzlab hududlarida kundalik iste’mol tovarlari narxining oshishiga qarshi «Sariq jiletlilar» harakati tomonidan namoyishlar o‘tkazilmoqda. Ushbu harakatni turli ijtimoiy qatlamlar, jumladan, yuqori sinf o‘quvchilari, fermerlar va iqlim o‘zgarishiga qarshi kurashuvchi faollar qo‘llab-quvvatlamoqda.

Namoyishlar davomida, ayniqsa, Parij kabi yirik shaharlarda polisiya va namoyish ishtirokchilari o‘rtasidagi keskinlik kuchayib, ayrim hollarda zo‘ravonliklarga olib keldi.

Norozilik aksiyalari chog‘ida qator do‘konlar, jumladan, mashhur qimmatbaho brendlar filiallari talon-toroj qilindi. Limoj shahrida esa tarixiy shahar hokimiyati binosiga o‘t qo‘yildi.