Tramp Yevroittifoqqa kutilmagan talab qo‘ydi

Tramp Yevroittifoqqa savdo tanqisligini kamaytirish va boj tariflarini yumshatish evaziga AQShdan 350 milliard dollarlik energiya resurslarini sotib olishni taklif qildi

"Evropa Ittifoqi biz bilan juda yomon munosabatda bo‘ldi. Ular bizdan energiya resurslarini sotib olishga majbur bo‘ladilar, chunki ularga bu kerak. Shunda biz atigi bir hafta ichida 350 milliardlik savdo tanqisligini kamaytira olamiz", — dedi AQSh prezidenti Oq uydagi chiqishida.

Trampning bu bayonoti Yevrokomissiya rahbari Ursula fon der Lyayenning AQShga avtomobillar va sanoat mahsulotlariga bo‘lgan bojlarni o‘zaro nolga tenglashtirish taklifiga javob bo‘ldi.