Evropa futbol assosiasiyalari ittifoqi (UYEFA) «Real» — «Arsenal» uchrashuvi bosh hakami Fransua Leteksye nega 28-daqiqada «kanonirlar» darvozasiga tomon penalti belgilab, keyinchalik uni bekor qilganiga izoh berdi. Ushbu o‘yin Madriddagi «Santyago Bernabeu» stadionida bo‘lib o‘tmoqda. Birinchi bo‘limdan so‘ng hisob ochilmadi — 0:0.
«Londonning “Arsenal” jamoasi darvozasiga penalti tayinlanmadi, chunki Deklan Rays qoidani buzmagan edi», — deyiladi UYEFA bayonotida.
Chempionlar ligasi 1/4 final bosqichining ilk uchrashuvida «Arsenal» «Real»ni 3:0 hisobida yirik mag‘lubiyatga uchratgandi. Ushbu o‘yinda «kanonirlar» yarim himoyachisi Deklan Rays jarima zarbalaridan dubl rasmiylashtirdi. Yana bir golni Mikel Merino kiritdi.
