Tramp chuqur dengiz konlarini qazib olish bo‘yicha farmonni imzoladi

AQSh prezidenti Donald Tramp dengiz tubidagi mineral resurslarni qazib olishni rivojlantirish to‘g‘risidagi farmonni imzoladi.

Tegishli hujjat Oq uy saytida e’lon qilingan.

"Ulkan dengiz hududlarida muhim mineral va energetika resurslari mavjud. Bu resurslar iqtisodiyotimizni mustahkamlash, energiya kelajagimizni ta’minlash va muhim foydali qazilmalarni xorijdan yetkazib beruvchilarga qaramlikni kamaytirishning kalitidir", deyiladi buyruqda.

“Mamlakatimiz dengiz tubidagi mineral resurslarni mas’uliyat bilan o‘zlashtirishni jadallashtirish, dengiz tubidagi mineral resurslarning miqdorini aniqlash, tog‘-kon va qayta ishlash texnologiyalari bo‘yicha Amerika yetakchiligini tiklash, mudofaa, infratuzilma va energetika sohalarimiz uchun ishonchli ta’minot zanjirlarini ta’minlash uchun zudlik bilan chora ko‘rishi kerak”, deyiladi hujjatda.

Aprel oyi boshida Tramp Qo‘shma Shtatlar katta hajmdagi muhim minerallar va noyob tuproq metallarini ishlab chiqarishga qodirligini aytgan edi.