Toshkentdagi sotuv ofislaridan birida yong‘in chiqdi

Toshkentning Chilonzor tumanidagi sotuv ofislaridan biri yonib ketdi. Holat aks etgan tasvirlar ijtimoiy tarmoqlarda tarqaldi.

Poytaxt FVB matbuot xizmatining ma’lum qilishicha, 26 fevral kuni soat 02:18 da Chilonzor tumani “Tirsakobod” MFY hududida joylashgan, qurilish olib borilayotgan binoda yong‘in sodir bo‘layotgani to‘g‘risida xabar tushgan

Shunga ko‘ra, yong‘in-qutqaruv ekipajlari soat 02:21 da voqea joyiga yetib borib, yong‘in soat 02:46 da qurshab olingan va soat 02:54 da o‘chirilgan.

Hodisa oqibatida tan jarohati olgan va halok bo‘lganlar yo‘q, hozirda yong‘in sababi va zarar miqdori aniqlanmoqda.