Bosh prokuratura huzuridagi Departamentning Uchtepa tuman bo‘limi tomonidan o‘tkazilgan tergovga qadar tekshiruvda, fuqaro X.M. o‘z uyida yashirin ishlab chiqarish sexi tashkil qilib, “Rolton” brendi ostida iste’molchilarning sog‘lig‘i xavfsizligi talablariga javob bermaydigan mahsulotni qo‘lbola usulda ishlab chiqarib, qadoqlab sotish uchun tayyorlab qo‘yganligi aniqlanib, ushbu xonadondan 464 dona qadoqlangan “Rolton”, 68 kg sariq va 7,49 kg qizil rangli kukunlar va boshqa mahsulotlar ashyoviy dalil sifatida olingan.
Shuningdek, “Rolton” mahsuloti huquqiy egasi “M.F.” kompaniyasining ma’lumotiga ko‘ra, fuqaro X.M. tomonidan ishlab chiqarilgan “Rolton” mahsuloti qalbaki ekanligi, olingan kukunlar kompaniya tomonidan ishlab chiqarilmaganligi, qadoqlangan paketlardagi kod raqamlari ham qalbaki ekanligi aniqlangan.
Mazkur holat yuzasidan Jinoyat kodeksining 149-moddasi (mualliflik yoki ixtirochilik huquqlarini buzish), 186-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Avstraliyada hukumat ruxsati bilan 700 ta koala otildi
Mavluda Asalxo‘jayeva og‘ir judolikka uchradi
Buxoroda 20 yoshli talaba o‘z joniga qasd qilib, xat qoldirib ketdi
