Avstraliyada hukumat ruxsati bilan 700 ta koala otildi

Avstraliyaning Viktoriya shtati ma’muriyati vertolyotlardan 700 dan ortiq koalalarni otishni ma’qulladi. Bu qaror hayvonlar huquqlari faollari va ayrim siyosatchilarning noroziligiga sabab bo‘ldi, deb xabar beradi Sky News.

AZERTADJ xorijiy OAVlarga tayanib xabar berishicha, rasmiylar bu qarorni majburlov chorasi sifatida izohlayapti. Buning sababi shundaki, taxminan 2000 gektar o‘simlik qoplamining nobud bo‘lishiga sabab bo‘lgan mart oyidagi yong‘inlar tufayli koalalar tabiiy yashash joylari, oziq-ovqat va suvlaridan bebahra bo‘ldi.

Viktoriya bosh vaziri Xacinta Allanning aytishicha, qaror har tomonlama va sinchkovlik bilan baholanganidan keyin qabul qilingan. Biroq hayvonlar huquqlari faollari bu choraga qo‘shilmasligini bildirdi.

Koala qutqaruvchilar uyushmasi prezidenti Jess Robertsonning fikricha, koalalarni vertolyotlardan otish ularning holatini to‘g‘ri baholash imkonini bermaydi.

Uning fikriga ko‘ra, bu masalani hal qilishning yanada maqbul usullari mavjud.

Bundan tashqari, ko‘plab deputatlar koalalar 2022 yildan beri yo‘qolib ketish xavfi ostida turgan turlar ro‘yxatiga kiritilganini eslatdi.