Toshkentda ikki avtobus yo‘nalishi vaqtincha o‘zgartirildi

Yangi O‘zbekiston ko‘chasidagi ta’mirlash ishlari munosabati bilan 9 iyuldan 9 avgustgacha 106 va 190-sonli avtobuslar harakati vaqtincha Milliy bog‘ ko‘chasi orqali amalga oshiriladi.

106-sonli avtobus “Saodat” savdo markazidan “Akfa” universiteti tomon harakatlanganda yo‘l yopiq qismni aylanib o‘tadi. Teskari yo‘nalish o‘zgarmaydi.

190-sonli avtobus “Yangibozor”dan “Mashinasozlar” metro bekatiga harakatlanganda ham Milliy bog‘ ko‘chasidan o‘tadi. Teskari yo‘nalish esa o‘zgarishsiz qoladi.