Toshkentda haydovchiga bolg‘a bilan hujum qilgan ayol bir yarim yilga qamaldi

Jabrlanuvchi yengil miya chayqalishi bilan shifoxonaga yotqizilgan.

Toshkent shahrida yo‘l-transport hodisasi natijasida yuzaga kelgan nizoli holat bo‘yicha sud hukmi e’lon qilindi. Aprel oyida Yunusobod tumanida sodir bo‘lgan voqea ijtimoiy tarmoqlarda keng muhokama qilingan edi.

Voqeaga ko‘ra, Spark va Matiz avtomobillari o‘rtasida sodir bo‘lgan kichik YTHdan so‘ng, Spark haydovchisi ayol o‘zini yo‘qotib, temir bolg‘a bilan Matiz haydovchiga hujum qilgan. Videolavhada ayol mashinasidan tushib, Matiz oynalarini sindirishi va jabrlanuvchining boshiga bir necha marta zarba berishi aks etgan. Jarohat olgan erkak shifoxonaga yotqizilgan va engil miya chayqalishi tashxisi qo‘yilgan.

Sud jarayonida har ikki tomon bir-birini provokasiya va zo‘ravonlikda aybladi. Jabrlanuvchi o‘zini xotirjam tutganini ta’kidlagan bo‘lsa, ayol Spark haydovchisi tomonidan qo‘zg‘atilganini va mashinada bo‘lgan alyuminiy bolg‘ani ishlatib javob berganini ma’lum qilgan.

Oliy sud ayolni 277-modda (bezorilik) bo‘yicha aybdor deb topib, bir yil olti oyga ozodlikdan mahrum qilish jazosini tayinladi. Shuningdek, sud unga jabrlanuvchiga yetkazilgan 5 million 300 ming so‘m tovonni to‘lash majburiyatini yukladi.