Toshkentda «Gelik» va Tez yordam mashinasi to‘qnashdi

Toshkentning Yashnobod tumanida, tez yordam mashinasi va avtomobil ishtirokida yo‘l-transport hodisasi sodir bo‘lib, 2 kishi jarohatlandi. Bu haqda shahar IIBB YHXB matbuot xizmati xabar berdi.

Hodisa 30 oktabr kuni, soat 12:45 larda Yashnobod tumani KXAY ko‘chasida sodir bo‘lgan.

Xususan, «Mercedes Benz» rusumli transport vositasi, tez tibbiy yordam transport vositasi bilan to‘qnashib ketgan.

Yo‘l transport hodisasi natijasida ikki nafar fuqaroga birinchi yordam ko‘rsatilgan, — deyiladi xabarda.

Hozirda ushbu holat yuzasidan, Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.