1 noyabrdan tabiiy gaz iste’moli bo‘yicha ba’zaviy me’yor 5 barobarga oshiriladi

Kuz-qish mavsumida tabiiy gaz iste’moli yuqori bo‘lganligi 2024 yil 16 apreldagi VMQ-204-son qaror bilan noyabr-fevral oylarida har bir oy uchun 500 kub metrgacha «bazaviy me’yor» belgilangan (mart-oktyabrda esa har oy uchun 100 kub metrgacha).

Qoraqalpog‘iston Respublikasi va Xorazm viloyatida esa 500 kub metrli me’yor oktyabr-fevral oylari uchun beriladi.

Bundan tashqari, ehtiyojmand oilalarga ishlatilgan elektr energiyasi va tabiiy gaz uchun davlat tomonidan har oyda kompensasiya beriladi.

Kompensasiya miqdori:

• elektr energiyasi uchun — oyiga bazaviy me’yordan ortiq (200 kVt/soatdan keyingi) 150 kVt/soatgacha;
• tabiiy gaz uchun — qish oylarida 250 kub metrgacha, boshqa oylarda 150 kub metrgacha ba’zaviy me’yordan ortiq foydalanilgan qismi uchun.

Shuningdek, 2025/2026 yilgi isitish mavsumi uchun noyabr oyida har bir ehtiyojmand oilaga 1 million so‘m miqdorida bir martalik moddiy yordam beriladi.